pangturunan ti Sudiplak
anu brasna ka Sukamantri
anu brasna ka Sukamantri
estuning matri dalingding asih
gupayna pilemburan.
gupayna pilemburan.
linduh iuh padusunan
ngémploh héjo dangdaunan
ngageuri ngagerih ati nyuat rasa
kabengbat balik deui ka jaman baheula....
kabengbat balik deui ka jaman baheula....
dulur....
najan waktu kalarung kasapu mangpirang taun
najan mangsa ngabelesat
ngudar kahirupan ti jaman ka jaman
ngudar kahirupan ti jaman ka jaman
hamo metu
mupus gurat carita kalamangsa hirup di désa
mupus gurat carita kalamangsa hirup di désa
ayeuna kuring di pangumbaraan
taya geusan balik deui ka wiwitan
rus-ras kagagas
asa jauh panineungan
pamohalan
kabéh pamohalan
geus taya deui pangbalikan
geus taya deui panyaluuhan
geus taya deui panyalindungan
aki
nini
ema
bapa
ngaran-ngaran nu matak cumalimba mun aya nu nanya
ngaran-ngaran nu matak ngeclakkeun cimata
ngaran-ngaran nu matak tibelat
ngaran-ngaran gurat panineungan